Plantun de Prouvènço

Pèr coumpara dos planto d'encò nostre

Riccia glauca & Ranunculus platanifolius

Riccia glauca

Ricciaceae

Nom en français : Riccie glauque.

Descripcioun :
Aquesto ricìo (gènre Riccia) es uno di mai coumuno di ricìo de Prouvènço. Soun de pichòti planto à tale que fan uno lamo verdo au sòu en fourmo de rouseto o de lobe de 1 cm de long aperaqui. L'espouroufite èi caupu dins lou tale au contro di mousso, e lis esporo sorto un cop li lobe creba.

Usanço :
Fai partido dóu subre gènre Riccia que se recounèis à si coulounado de cellulo sarrado (vèire li fotò). Se destrìo dis àutri ricìo bonodi sa taio (4 cop mai larg que aut), qu'a ges d'alo e tambèn ges de bord clar e mai enca...

Port : Tale coumplèisse
Taio : 0,3 à 0,4 cm
Fueio : ges
Tipe bioulougico :
Cicle bioulougico : Planto renadivo

Gènre : Riccia
Famiho : Ricciaceae

Ordre : Marchantiales

Coulour de la flour :
Petalo : ges
Ø (o loungour) flour : ges
Flourido : Printèms

Sòu : Ca (Si)
Autour basso e auto : ?
Aparado : Noun

Liò : Terro argielouso - Champ cultiva - Garrigo
Estànci : Mesoumediterran à Subaupen
Couroulougi : Oulartico
Ref. sc. : Riccia glauca L., 1753

Ranouncle(-di-fueio-de-platano)

Ranunculus platanifolius

Ranunculaceae

Nom en français : Renoncule à feuilles de platane.

Descripcioun :
Lou ranouncle-di-fueio-de-platano trachis sus li pendis di fourèst de faiard. S'atrobo soulamen à l'uba de noste relarg, ço que n'en fai uno planto pulèu raro. Se recounèis à si fueio proun penado que sèmblon pulèu à-n-aquéli de l'estranglo-loup que de la platano. Li flour, blanco, soun pourtado pèr de pecou sènso péu (au contre de Ranunculus aconitifolium) e li fru soun emé de bè di proun croucu (fotò). Coumpara emé lou ranouncle-di-fueio-d'acounit que ié sèmblo proun.

Usanço :
Coume tóuti li ranouncle, es uno planto empouisounanto, pamens couneissèn pas d'usanço particuliero. Escriéure au site se n'en sabès mai.

Port : Grando erbo
Taio : 20 à 130 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Blanco
Petalo : 5
Ø (o loungour) flour : 1,5 à 2 cm
Flourido : Printèms - Estiéu

Sòu : Si
Autour basso e auto : 1200 à 2200 m
Aparado : Noun
Mai à juliet

Liò : Faio - Prado à rousèu - Relarg à jóuinis aubret - Blachiero
Estànci : Mountagnard à Subaupen
Couroulougi : Ouroufito-Éuropenco
Ref. sc. : Ranunculus platanifolius L., 1767 (= Ranunculus aconitifolius subsp. platanifolius (L.) Berher, 1887 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Riccia glauca & Ranunculus platanifolius

Coumpara Ricìo-verdalo emé uno autro planto

Coumpara Ranouncle(-di-fueio-de-platano) emé uno autro planto